Dán rádjái lea doapparsirren Davviriikkain leamašan sihke sierralágán juohke riikkas, ja maid sierralágán juohke gielddas. Oktasaš symbolat doapparsirremis mearkkaša ahte olbmot ožžot seammá dieđu doabbariid birra ja de maid šaddá sihke álkit olbmuide sirret doabbariid rivttes láhkái ja maid máhcahit ávdnasiid eanet. Jus buvttadeaddjit merkejit dovnnjiid oktasaš doapparsirren symbolaiguin de servodat oažžu čielga ja álkes bagadallama got dovnnjiid galgá sirret.

Ovttasbargguin gielddaid, doapparfitnodagaid, industriijaid (mat barget ávnnas máhcahemiin), doavdnjebuvttadeaddjiid, vuovdaleaddjiid, ja maid davviriikkalaš olbmuid gaskkas lea vuođđu dán vuogádagas. Davviriikkat leat Ruoŧŧa, Dánmárku, Norga, Suopma ja Islánda.

Got doaibmá

Vuogádagas leat odne 90 sierralágan gova maid sáhttá geavahit doapparčohkkemii dállodoalus, fitnodagain- láset, metálla ja plásta- ja maid birasstašuvnnain, omd huksen ja  gaikkodandoabbarat, elektronihkalaš doabbarat ja gilvvagárdebázahusat jna.

Vuogádaga lea álkit ipmirdit ja geavahit. Das leat golbma vuođđojurdaga: Lea nuvttá, juohkehaš sáhttá dan geavahit, ja doaibmá go legobirccu; vaikko lea njuovžil de das maid lea oktasaš hápmi. Vuogádat lea nuvttá, olbmot ja gielddat fertejit ieža gokčat mávssuid čálihit šilttaid ja mearkkaid. Go vuogádat lea sihke nuvttá ja ii leat gánnáhahtti de dat váikkuha vuogádaga viidáneapmái ja dohkkeheapmái – ja sihkkarastá maid ahte olbmot ožžot seammá doapparsirren symbolaid gos sii fal leat- barggus, ruovttus, almmolaš báikkiin, gávppis jna.

Maid das ovddosguvlui

Doapparsymbolat leat biddjon johtui Dánmárkkus (2017), Ruoŧas (2020) ja Norggas (2020). Suopma ja Islánda leat álggahan dan barggu.

Eurohpa Kommišuvnna doaivva lea buohtalastit doapparsirrema ja lea maid evttohan introduseret doapparsirren symbolaid oassin sin ekonomalaš doaibmaplánas. Oktasaš symbolavuogádat doapparsirremii lea dehálaš oassi dan barggus go galgá nuppástuhttit ekonomiija. Vuogádaga bokte Davviriikkat ožžot dárbbašlaš reaidduid dan bargui nu ahte sii ožžot eanet vejolašvuođaid sirret doabbariid ja máhcahit ávdnasiid. Dasa lassin vuogádat maid váikkuha ON:a doallevaš ovdánanulbmiliid ollašupmái.